|
|
| Storie dal Pais |
|
Lis primis notiziis scritis su Montenārs a son dal 1270. La toponomastiche e pant la passade esistence, su la riviesse orientāl dal Cjampon, di un cjastelīr preistoric. E je atestade la presince di un insediament langobart. Suntun pinel cretōs a straplomp sul rivuat dal Orvenc a si cjatin ancjemņ i rudinaēs dal cjistiel di Rabenstein - Ravistagno. Di probabil origjin preistoriche, al fo tornāt a doprā in ete barbariche e al jentrave, cun dute probabilitāt, tal sisteme difensīf dal "castrum" di Dartigne, di cui al conte Paolo Diacono te sō "Historia Langobardorum". Dal secul XIII fin ae fin dal 1700 il cjistiel e la jurisdizion a forin tignūts dai conts di Prampero. I prins statūts di Montenārs a son dal 24 Avrīl dal 1373, e a rivuardavin la competence dal judizi, lis normis di procedure, la tipologjie dai reāts minōrs, come la ocupazion dai bens di chei altris, batiduris cence spandiment di sanc, menacis cun armis o cence, insolencis e violazion di domicili.
Cun dute probabilitāt, il fuart di Ravistagno al jere stāt bandonāt za tal 1400. Dilunc la dominazion venete (daspņ il 1420) il paīs al jere rezūt, a non dai jurisdicents (di Prampar), di une assemblee di cjāfs di famee riunīts te "Vicinie", cuntun Dean come president e cun doi Zurāts. Lis condizions di vite a jerin une vore misaris, come chźs di tancj altris piēui paiis, soredut di mont. La economie si basave sul disfrutament des risorsis naturāls, su la agriculture, la cjace e l'arlevament des bestiis. Tal periodi di Napoleon, Montenārs e fo assegnade al dipartiment di Passarian e al I Distret di Udin, V Cjanton di Glemone, e a jerin plui o mancul 1200 abitants. Daspņ de dominazion austriache, cul plebissīt dal 1866 e fo decidude la anession al Ream de Italie. Tal 1928 il Comun al fo anetūt a chel di Dartigne, e al torną indipendent tal 1947.
Benzą tal secul XIII tai documents si ą menzon des glesiis di Montenārs, la Parochiāl di Sante Eline e lis filiāls di Sant Zorē e di Sante Marie Madalene. Tai secui daūr a forin tiradis su ancje altris glesiis: une tal borc di Plaēaries, dedicade ai Sants Sebastian e Vincents (ma famose cul non di Sant Michźl, forsit in ricuart di une plui antighe), une altre tal borc Curminģe dongje la cjase dal Vescul Mons. Isola, dedicade al Sacro Cuore, une altre a Flaipan, intitulade a Sant Zuan Bosco. Tacade tal 1901, tal an dopo e fo inaugurade insom de mont Cuarnan, a 1372 metris, la gleseute dal Redentōr.
Dutis chestis espressions de fede popolār a forin butadis jł, cun scuasit dut il patrimoni abitatīf dal comun, il 6 di Mai e il 15 di Setembar dal 1976. Il disastrōs taramot al causą 35 vitimis. L'intervent dal Stāt, la solidarietāt di tancj Ents e privāts, la laboriositāt e la tignince de popolazion a forin di jutori pe ricostruzion dal paiis e di scuasit ducj i siei plui significatīfs monuments.
|
|
|
